Azay Quliyev Şuranın birgə qrant müsabiqəsi keçirdiyi qurumların səlahiyyətli nümayəndələri ilə görüşüb
16 / 12 / 2019 17:52:59
Oxunma : 7090

Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasında birgə qrant müsabiqəsi keçirilən 26 qurumun (nazirlik, xidmət, televiziya, agentlik, mərkəz və s.) səlahiyyətli nümayəndəsi və eksperti ilə görüş keçirilib.

Şura sədri, Milli Məclisin deputatı Azay Quliyev 2020-ci ildə QHT layihələrinin maliyyələşdirilməsi ilə bağlı elan olunan qrant müsabiqələrinin bütün mərhələlərinin bərabərhüquqlu tərəf kimi müvafiq qurumlarla birgə keçiriləcəyini deyib.
Azay Quliyev QHT layihələrinin qiymətləndirilməsi qaydası, e-vətəndaş proqramı və ekspertizanın strukturu barədə də ətraflı məlumat verib. Şura sədri 26 qurumun hər birini vətəndaşların layihələri qiymətləndirməsi qaydaları ilə bağlı məlumatın ictimaiyyətə çatdırılmasında fəal olmağa çağırıb.


Tədbirdə layihələrin maliyyələşməsi ilə bağlı qərarların qəbulunda əsas götürülən qiymətləndirmə meyarları barədə Şuranın hazırladığı videoçarx nümayiş etdirilib.


Şura Katibliyinin əməkdaşı Elnur Bağırlı SƏLİS-ə daxil olan yeni e-Ekspertiza proqramını tədbir iştirakçılarına təqdim edib.

Tədbirin sonunda Şuraya ünvanlanan suallar cavablandırılıb.

Xəbərlər

Ən çox oxunanlar

@ 2017 QHT TV
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir.
Tel: (994 55) 325 18 38 | E-mail:[email protected]
Baş direktor: Cəsarət Hüseynzadə